पाथीभराधाम क्षेत्रमा यो वर्षको पहिलो हिमपात

Pathivara Temple

Sangeeta Gurung

११ महिना अघि

पाठक संख्या ७३४

ताप्लेजुङको पाथीभराधाम क्षेत्रमा यो वर्षको पहिलो हिमपात भएको छ।

केही दिनयता बढेको चिसोका कारण आज बिहानदेखि हल्का हिमपात सुरु भएको पाथीभरा क्षेत्र विकास समितिले जानकारी दिएको छ। हिमपातसँगै मौसम थप चिसो बनेको छ, जसले यस क्षेत्रमा आउने पर्यटक र तीर्थ यात्रिहरूको सङ्ख्या वृद्धि हुने आशा गरिएको छ।

पाथीभरा मन्दिर धार्मिक र पर्यटकीय दृष्टिले महत्त्वपूर्ण स्थान हो, र हिउँ परेको समय यहाँ आन्तरिक पर्यटकको आगमनमा वृद्धि हुने गरेको छ। समितिका कार्यकारी निर्देशक प्रजिन हाङबाङले यस वर्ष पनि पर्यटकको संख्या बढ्ने अपेक्षा व्यक्त गरे।

पाथीभरा मन्दिर ३,७९४ मिटरको उचाइमा रहेको छ। हिमपातका कारण यातायातमा कुनै समस्या नआए पनि तीर्थयात्रिहरूलाई चिसोबाट जोगिन सतर्क रहन आग्रह गरिएको छ।