काठमाडौं - नेपाल प्रिमियर लिग (एनपीएल) अन्तर्गत लुम्बिनी लायन्सले चितवन राइनोजलाई १६८ रनको चुनौती प्रस्तुत गरेको छ।
टस हारेर पहिले ब्याटिङको निम्तो पाएको लुम्बिनीले कप्तान रोहित पौडेल र विदेशी खेलाडी शाद विन जफरको उत्कृष्ट प्रदर्शनको मद्दतले १६७ रनको योगफल तयार गर्यो।
खराब सुरुवात गरे पनि रोहित र जफरको अर्धशतकले खेललाई लयमा फर्कायो। ५७ बलको सामना गरेका रोहितले पाँच छक्का र ६ चौकासहित ८० रनको इनिङ खेले।
त्यस्तै, जफरले ३५ बलमा चार चौका र एक छक्कासहित ५२ रन बनाए। ओपनर अर्जन साउदले १५ रन र टोम मूरेसले १० रनको योगदान दिए।
चितवन राइनोजका लागि रिजन ढकालले तीन विकेट लिए भने कुशल मल्ल र रञ्जित कुमारले एक/एक विकेट झारे।
अब चितवनले १६८ रनको लक्ष्य पछ्याउँदै आफ्नो इनिङ सुरु गर्नेछ।
अञ्जना ढकाल
प्रतिक्रिया दिनुहोस