काठमाडौँ - सुदूरपश्चिम रोयल्सले आज बुधबार कीर्तिपुरस्थित त्रिवि मैदानमा जनकपुर बोल्ट्सलाई ८ विकेटले हराउँदै सिद्धार्थ बैंक नेपाल प्रिमियर लिग (एनपीएल) को फाइनलमा स्थान बनाएको छ।
टस हारेर ब्याटिङमा आएको जनकपुरले २० ओभरमा १३९/९ रन बनायो। जिमी निशमले ४५ रन जोडे भने शुभ कंसाकारले २६ रनको योगदान दिए। सुदूरपश्चिमका दीपेन्द्रसिंह ऐरीले ३ विकेट लिए।
१४० रनको लक्ष्य सुदूरपश्चिमले १८.३ ओभरमा मात्र २ विकेट गुमाएर पूरा गर्यो। ओपनर विनोद भण्डारीले नटआउट ५८ रन बनाए। जनकपुरका लागि ललितनारायण राजवंशी र निशमले १-१ विकेट लिए।
पराजयपछि पनि जनकपुरलाई फाइनलमा पुग्न दोस्रो मौका छ। बिहीबारको दोस्रो क्वालिफायरमा जनकपुरले कर्णाली याक्ससँग प्रतिस्पर्धा गर्नेछ। यो खेलको विजेताले शनिबार सुदूरपश्चिमसँग उपाधि भिडन्त ग
र्नेछ।
Sangeeta Gurung
प्रतिक्रिया दिनुहोस