वर्षाले ९ स्थानका राजमार्ग प्रभावित, ३ ठाउँमा सडक पूर्ण अवरुद्ध

अञ्जना ढकाल

१ हप्ता अघि

पाठक संख्या ६३

काठमाडौं, चैत २८ – बुधबार साँझदेखि परेको लगातार वर्षाका कारण देशका विभिन्न स्थानका राजमार्गमा पहिरो र बाढीको असर परेको छ।

नेपाल प्रहरीले बिहीबार बिहान ८ बजेसम्मको अपडेट अनुसार ९ स्थानमा पहिरो गएको जनाएको छ। तीमध्ये रुकुम पश्चिमको राप्ती राजमार्ग, कालिकोटको सुर्खेत–हुम्ला सडक र सल्यानको जाजरकोट सडक पूर्ण रूपमा अवरुद्ध छन्।

अन्य ५ स्थानमा एकतर्फी रूपमा यातायात सञ्चालन भइरहेको छ भने एक स्थानमा पहिरो पन्छाएर सवारी आवागमन पुनः सञ्चालनमा आएको छ।