काठमाडौँ, वैशाख २ – नेपाल शिक्षक महासंघले वैशाख ११ गतेदेखि सुरु हुने कक्षा १२ को परीक्षा सञ्चालनमा सहभागी नहुने निर्णय गरेको छ।
विद्यालय शिक्षा ऐनको मागसहित २० चैतदेखि आन्दोलनरत महासंघले आन्दोलन सशक्त बनाउन देशभरका विद्यालय अनिश्चितकालीन बन्द गर्ने जनाएको छ। साथै, सबै शिक्षक, कर्मचारी र प्रधानाध्यापकलाई राजधानीको शैक्षिक आन्दोलनमा सहभागी हुन आग्रह गरिएको छ।
सरकारले नयाँ शैक्षिक सत्रसँगै भर्ना अभियान सुरु गरे पनि आन्दोलनका कारण पठनपाठन प्रभावित भएको छ। महासंघले प्याब्सन र एनप्याब्सनलाई पनि आन्दोलनमा साथ दिन अनुरोध गरेको छ।
शिक्षकको माग सम्बोधनमा सरकार ढिलाइ गरे शिक्षा क्षेत्र संकटमा पर्ने चेतावनी महासंघले दिएको छ।
अञ्जना ढकाल
-1637.jpeg)
प्रतिक्रिया दिनुहोस