नयाँ वर्ष २०८२ को पहिलो दिन पशुपतिनाथ मन्दिरमा दर्शनार्थीहरूको घुइँचो

अञ्जना ढकाल

६ महिना अघि

पाठक संख्या २२८

काठमाडौं, वैशाख १ - नयाँ वर्ष २०८२ सालको पहिलो दिन सोमबार बिहानैदेखि पशुपतिनाथ मन्दिरमा दर्शनार्थीहरूको घुइँचो लागेको छ। वर्षको सुरुआतमा धार्मिक स्थलमा पूजा–दर्शन गर्ने परम्परा अनुसार हजारौं भक्तजन बिहानैदेखि मन्दिर परिसरमा पुगेर दर्शन गरेका छन्।

पशुपतिनाथ मन्दिर मात्र होइन, काठमाडौं उपत्यकाभित्रका अन्य प्रमुख धार्मिक तथा पर्यटकीय स्थलहरूमा समेत सर्वसाधारणहरूको बाक्लो उपस्थिति देखिएको छ। नयाँ वर्षको दिनलाई शुभ मान्दै धेरैले परिवारसहित मन्दिरमा पूजाआजा गरेका थिए।

सुरक्षा व्यवस्था पनि सुदृढ पारिएको थियो। प्रहरी प्रशासनले मन्दिर क्षेत्रमा भिड व्यवस्थापन गर्न विशेष तयारी गरेको जनाएको छ।

नयाँ वर्षको पहिलो दिनको यो धार्मिक उत्साहले नेपाली जनमानसमा सकारात्मक ऊर्जा थपेको देखिन्छ।