कर्णालीका प्रमुख पर्यटकिय क्षेत्रको प्रचारप्रसार र अवलोकन गर्न आउने पाहुनाका लागि स्तरीय बसोवासलाई मध्यनजर गर्दै शाखा विस्तार गरेको होटल व्यवसायी महासंघ कर्णालीका अध्यक्षसमेत रहेका स्टे होटल भ्याली भ्यूका अध्यक्ष शाहीले बताए ।
करिव एक विगाह क्षेत्रफलमा झण्डै २१ करोडको लागतमा सुविधा सम्पन्न भौतिक संचालनसहितको होटल सञ्चालनमा ल्याएको शाहीले बताए ।कोरोना महामारीले अर्थतन्त्रमा आएको संकुचनका बिच पनि कर्णालीको पर्यटन व्यवसायलाई टेवा पु¥याउने उद्देश्यले होटल व्यवसायमा लगानी गरेको शाही बताए ।
शाहीले २०६० बाट वीरेन्द्रनगर–६ मा सञ्चालनमा ल्याएको होटल भ्याली भ्यू हालसम्म तीन स्थानमा शाखा विस्तार भइसकेको छ भने कर्णालीका १० वटै जिल्लामा शाखा विस्तार गर्ने गरी तयारी भइरहेको छ ।
वीरेन्द्रनगर नगरपालिका–१४ को गढीमा स्टे होटल भ्याली भ्यू र जुम्लाको चन्दननाथ नगरपालिका–६ मा रारा स्टे भ्याली भ्यू रिसोर्ट प्रालि स्थापना भइसकेका छ ।
स्थानीय तथा अर्गानिक उत्पादनको प्रयोग र उपभोगमा टेवा पु¥याउदै आएको भ्याली भ्यूले स्थानीय कृषकहरुलाई रैथाने बाली उत्पादनमा प्रोत्साहनसमेत गर्दै आएको अध्यक्ष शाहीले बताए ।
शाहीले कर्णालीमा होटल क्षेत्रमा ३ दशकको अवधिमा स्थापना गरेका तीन वटा होटलमा झण्डै ३५ करोड लगानी गरिसकेका छन्, भने एक सय २० बढीलाई प्रत्यक्ष रोजगारीसमेत दिइरहेका छन् । निकट भविष्यमा कर्णालीको प्रमुख पर्यटकिय क्षेत्र मुगुको रारा तालमा पनि होटल विस्तार गर्न लागेको उनले बताए ।
कर्णाली प्रदेशको होटल व्यवसायमा संलग्न रहेको लामो अनुभवलाई आत्मसात गर्दै पर्यटनमा टेवा पु¥याउन आफ्नो तन मन र कर्म यसैमा खर्च गरको छु,’ स्टे भ्याली भ्यूका अध्यक्ष शाहीले भने, ‘विगतमा हामीलाई जसरी माया, साथ, सहयोग गरेर भ्यालीभ्यू ब्राण्ड बनाइ दिनुभएको छ, अव त्यो ब्राण्ड विस्तारै फैलँदै गएको छ, हामीले हाम्रा पर्यटकहरुलाई प्रदान गर्ने सेवा सुविधामा कुनै कमी आउन दिने छैनौं, आगामी दिनमा पनि त्यो माया, सहयोग र साथको अपेक्षा हामीले गरेका छौं, हामी हाम्रो कर्तव्य र सेवामा प्रतिवद्धत रहने छौ ।’
कर्णालीको पर्यटन क्षेत्रको सम्वद्र्धन र प्रवद्र्धनका लागि तीनै तहका सरकारले पूर्वाधार निर्माणमा ध्यान दिन सके कर्णालीको अर्थतन्त्रले फड्को मार्ने शाहीको दावी छ ।
प्रदेश राजधानी घोषणा भएसँगै यहाँको शैक्षिक, प्रशासनिक, राजनीतिक, आर्थिक र पर्यटकीय अवस्था चलायमान हुँदै जानुलाई कर्णालीका लागि सुखद पक्ष भएको बताउँदै शाहीले कर्णालीलाई चिनाउने प्रमुख माध्यम नै पर्यटन क्षेत्र भएकाले यसको विकासका लागि सबैले हातेमालो गर्नुपर्ने उनको भनाई थियो ।
यस्ता छन् होटलका विशेषता
सुर्खेतको नगरकोट नामले परिचित वीरेन्द्रनगर नगरपालिका–१४ गढीमा सञ्चालनमा आउन लागेको स्टे होटल भ्याली भ्यू प्रालिले आगामी नयाँ वर्ष २०८१ वैशाख १ गतेदेखि आफ्नो औपचारिक सेवा विस्तार गर्नेछ ।
स्वच्छ सुन्दर शान्त बाताबरणमा अबस्थित थ्री स्टार लेबलको होटलमा ३४ वटा कोठा रहेका छन् । जसमध्ये दुई वटा भीआइपी स्वीट रुम, २० सुपर डिलक्स, ६ डिलक्स र ६ वटा स्ट्याण्डर्ड कोठाहरु रहेको होटलका महाप्रवन्धक पदम सुवेदीले बताए ।
यस्तै होटलमा रहने सनसेट रेस्टुरेन्टमा कणर्णालीको अर्गानिक मार्सी चामलको भात, जुम्ला सिमीको दाल, सिस्नु, फापरको रोटी, कोदाको ढिंडो, कालिजको मासु, बट्टाईको झोल, लोकल कुखुराको मासु, मोही लगायतका स्थानीय परिकारहरु उपलब्ध हुनेछन् । यसका साथै प्रत्येक साँझ सांगीतिक साँझसमेत सुवेदीले बताए ।
सिमोन भट्टराई
प्रतिक्रिया दिनुहोस