उपप्रधान एवम् गृहमन्त्री रवि लामिछानेले मलेसियाका गृहमन्त्रीलाई भने 'जीबी राईलाई नेपाल झिकाउन सहयोग गरिदिनुस्'

सिमोन भट्टराई

१ बर्ष अघि

पाठक संख्या ३७१

काठमाडौँ - उपप्रधान एवम् गृहमन्त्री रवि लामिछानेले जीबी राईलाई नेपाल फिर्ता पठाइदिने वातावरण बनाउन  मलेसियाका गृह मन्त्रीलाई आग्रह गरेका छन् । दुई नेताबीचको टेलिफोन संवादमा मलेसियाका गृहमन्त्री सिफुद्धिन नासुसन बिन इजमाललाई यस्तो आग्रह गरिएको गृहमन्त्रीको सचिवालयले जनाएको छ । 

उपप्रधान एवम् गृहमन्त्री लामिछानेले नेपालमा सहकारी ठगेर मलेसियामा आश्रय लिइरहेका राईलाई जसरी भएपनि नेपालमा बुझाइदिन मन्त्री इजमाललाई आग्रह गरेका थिए । नेपालको सो आग्रहमा मलेसिया सकारात्मक रहेको पनि गृहमन्त्रालयले जनाएको छ। 

टेलिफोन कुराकानीमा गृहमन्त्री लामिछानेले मलेसियामा रहेका नेपाली श्रमिकको सुरक्षाका बारेमा पनि त्यहाँका गृहमन्त्रीलाई ध्यानाकर्षण गराएका थिए ।