गोर्खा - राष्ट्रिय शिक्षा दिवस २०८१ को अवसरमा शहिद लखन गाउँपालिकाद्वारा आयोजित विशेष कार्यक्रममा एकै विद्यालयका पाँच शिक्षकहरूलाई सम्मानित गरियको छ ।
SEE २०८० को परीक्षामा उत्कृष्ट नतिजा ल्याउन र विभिन्न विषयमा उच्च सिकाइ उपलब्धि हासिल गर्न सफल श्री जनशक्ति मा. वि. का शिक्षकहरूलाई गाउँपालिकाको शिक्षा शाखाले विशेष सम्मान प्रदान गरेको हो । सम्मानित हुने शिक्षकहरूमा एकै विद्यालयमा कार्यरत शिक्षक तथा शिक्षिका रमेश लामिछाने , महेश्वर लामिछाने, बालकृष्ण पोख्रेल, कमला जोसी र सिता लामिछाने रहनु भएको छ ।
यस कार्यक्रममा क्रमसः गणित, अंग्रेजी, विज्ञान, सामाजिक अध्ययन, र नेपाली विषयका शिक्षक तथा शिक्षिकाहरूले SEE २०८० मा उल्लेखनीय नतिजा ल्याएर विद्यालयलाई गर्वित बनायाका छन् । उहाँहरुको निरन्तर प्रयास र समर्पणले विद्यार्थीहरूको उच्चस्तरीय शिक्षा सुनिश्चित गरेको छ। उहाँहरुमध्य शिक्षिका सिता लामिछाने हाल अर्कै बिद्यालयमा कार्यरत भएपनि उहाँ जनशक्ति मा. वि. को पूर्व शिक्षिका हुनुहुन्छ ।
सम्मानित शिक्षकहरूले यो सफलता आफ्ना विद्यार्थीहरू, विद्यालय परिवार, र पालिकाको सहयोगको परिणाम भएको बताएका छन् भने उहाहरुको यो उपलब्धिले पुरा बिद्यालय नै खुशी भएको छ ।
अञ्जना ढकाल
प्रतिक्रिया दिनुहोस