साफ वुमन्स च्याम्पियनसिप २०२४ समाप्त भएलगत्तै नेपाली राष्ट्रिय फुटबल टोलीकी फरवार्ड सावित्रा भण्डारी फ्रान्स फर्किएकी छिन्। बुधबार राति फाइनलमा नेपाल बंगलादेशसँग २-१ ले पराजित भएपछि बिहीबार बिहानै उनले फ्रान्सको व्यावसायिक फुटबल क्लब इए अभान्ट गुएग्यापमा सामेल हुन यात्रा गरेकी हुन्।
सावित्रा फ्रान्सको शीर्ष श्रेणीको महिला फुटबल लिग 'प्रिमियरा लिग' मा खेल्छिन् र राष्ट्रिय टिमबाट खेल्नका लागि नेपाल आएकी थिइन्। च्याम्पियनसिपमा उनले समूह चरणको एक खेल, सेमिफाइनल र फाइनल खेल गरी तीन खेल खेलिन् जसमा दुई गोल गरिन्।
फाइनलअघि, सेमिफाइनलमा भारतविरुद्ध बराबरी गोल गर्दै उनले खेललाई पेनाल्टीसुटआउटसम्म पुर्याएकी थिइन् र पेनाल्टीमा पनि गोल गरिन्, जसको सहारामा नेपालले भारतलाई हराएर फाइनलमा स्थान सुरक्षित गरेको थियो।
अञ्जना ढकाल
प्रतिक्रिया दिनुहोस