एसीसी यू-१६ इस्ट जोन कप : सेमिफाइनलमा नेपाल र मलेसियाबीच प्रतिस्पर्धा

अञ्जना ढकाल

३ महिना अघि

पाठक संख्या १८२

काठमाडौं, असार १७ – एसीसी यू-१६ इस्ट जोन कप क्रिकेट प्रतियोगिताको सेमिफाइनलमा नेपालले मलेसियासँग प्रतिस्पर्धा गर्ने भएको छ।

मंगलबार सम्पन्न समूह चरणको अन्तिम खेलमा नेपालले भुटानलाई २९८ रनको फराकिलो अन्तरले पराजित गर्दै समूह ‘ए’ को विजेता बन्न सफल भयो।

नेपालले समूह चरणमा खेलेका चारवटै खेलमा विजय हात पार्दै अपराजित रहँदै सेमिफाइनलमा प्रवेश गरेको हो। सेमिफाइनल खेल आगामी बिहीबार हुनेछ भने फाइनल खेल शनिबार हुने तय भएको छ।

मलेसिया भने समूह ‘बी’ को उपविजेता बनेको हो। मलेसिया समूह चरणमा हङकङसँग मात्र पराजित भएको थियो। हङकङ समूह ‘बी’ को विजेता बन्दै समूह ‘ए’ को उपविजेता सिंगापुरसँग सेमिफाइनल खेल्नेछ।

नेपाल यस प्रतियोगिताको साविक विजेता पनि हो, जसले यसपटक उपाधि रक्षा गर्ने लक्ष्यसहित उत्कृष्ट प्रदर्शन गरिरहेको छ।

सेमिफाइनल खेल तालिका:

नेपाल vs मलेसिया – बिहीबार

हङकङ vs सिंगापुर – बिहीबार

फाइनल – शनिबार