जिल्ला प्रहरी कार्यालय कैलालीबाट खटिएको प्रहरी टोलीले खैरो हेरोइन र चरेससहित पाँच जनालाई पक्राउ गरेको छ।
धनगढी उपमहानगरपालिका–२ रामजानकी मन्दिर नजिक २३ वर्षीय रोशन खड्का, १६ वर्षीय देव शर्मा र २१ वर्षीय अमित शर्मालाई शंका लागि चेकजाँच गर्दा १५० मिलिग्राम खैरो हेरोइन र १ ग्राम ५६० मिलिग्राम चरेस फेला परेको प्रहरीले जनाएको छ।
यसैगरी, धनगढी उपमहानगरपालिका–३ भन्सार नजिकबाट १९ वर्षीय नीरज राना र २१ वर्षीय सुनिल रानालाई पनि ५ ग्राम ८४० मिलिग्राम र ५ ग्राम ९९० मिलिग्राम खैरो हेरोइन तथा १ ग्राम ५६० मिलिग्राम चरेससहित नियन्त्रणमा लिइएको हो।
प्रहरीले पाँचै जनालाई हिरासतमा राखी आवश्यक कानुनी प्रक्रिया अघि बढाइएको र थप अनुसन्धान जारी रहेको जानकारी दिएको छ।
अञ्जना ढकाल
प्रतिक्रिया दिनुहोस