प्रधानमन्त्री ओलीले चीनलाई मदन भण्डारी विश्वविद्यालयसँग सहकार्य गर्न आग्रह

Kp oli

Sangeeta Gurung

१० महिना अघि

पाठक संख्या १६५

काठमाडौं- प्रधानमन्त्री केपी शर्मा ओलीले चीनलाई मदन भण्डारी विज्ञान तथा प्रविधि विश्वविद्यालयसँग शैक्षिक सहकार्य गर्न आग्रह गरेका छन्।

चीनको पेकिङ विश्वविद्यालयमा आयोजित कार्यक्रममा बुधबार बिहान सम्बोधन गर्दै प्रधानमन्त्री ओलीले चीन सरकार र पेकिङ विश्वविद्यालयलाई नेपालसँग शैक्षिक सहकार्य गर्न आग्रह गरे।

उनले सम्बोधनका क्रममा नेपाल र चीन प्राचीन ज्ञानका धरोहर भएको उल्लेख गर्दै महान् दार्शनिक र ऋषिहरूका शिक्षाले पुस्तौँसम्म प्रेरणा दिएको बताए।

प्रधानमन्त्री ओलीले नेपाल ‘एक चीन नीति’प्रति दृढ रहेको र ‘बेल्ट एन्ड रोड इनिसिएटिभ’को प्रशंसा गर्दै चीनले ८० करोड मानिसलाई गरिबीबाट उठाएको कुरा नेपालका लागि प्रेरणादायी भएको पनि उल्लेख गरे।