काठमाडौँ - नेपाल प्रिमियर लिग (एनपीएल) मा काठमाडौँ गुर्खाजले पहिलो जित हात पारेको छ।
सोमपाल कामीको कप्तानीमा रहेको कर्णाली याक्सलाई ३ विकेटले पराजित गर्दै काठमाडौँले विजयी यात्रा सुरु गरेको हो।
कर्णाली याक्सले दिएको १५० रनको लक्ष्य काठमाडौँले १९.३ ओभरमा ७ विकेट गुमाएर १५३ रन बनाउँदै पूरा गर्यो।
काठमाडौँका लागि सुमित महर्जनले अविजित ४० रनको योगदान दिए। ३७ बल खेल्दै उनले ३ चौका र १ छक्का प्रहार गरे। यस्तै, जेरार्ड एरासमसले ३८ रन तथा कप्तान करण केसीले २८ रन बनाएर टोलीलाई जिततर्फ डोर्याए।
यो जितसँगै काठमाडौँ गुर्खाजले प्रतियोगितामा सकारात्मक सुरुआत गरेको छ।
अञ्जना ढकाल
प्रतिक्रिया दिनुहोस