काठमाडौं – दक्षिण भारतीय फिल्म 'पुष्पा २–द रूल' आजदेखि नेपालभरका हलमा उच्च शोसहित प्रदर्शनमा आएको छ। अल्लु अर्जुन र रश्मिका मन्दाना अभिनीत यस फिल्मलाई हलहरूले बिहान ४:१५ बजेबाट राति ११:५५ बजेसम्मको शो प्रदान गरेका छन्। बिहानैदेखि शोहरू भरिभराउ देखिएका छन्।
पहिलो शृंखला 'पुष्पा' ले नेपालमा ठूलो सफलता हासिल गरेपछि दर्शकहरूबीच दोस्रो शृंखलाप्रति उत्साहजनक क्रेज देखिएको छ।
सुकुमार बान्द्रेडीको लेखन र निर्देशनमा तयार भएको यो फिल्ममा अल्लु अर्जुन र रश्मिका मन्दानाका अलावा फरद फासिल, जगपति बाबु, धनुञ्जय, राव रमेश र सुनीलले महत्वपूर्ण भूमिका निर्वाह गरेका छन्। फिल्मका निर्माता नवीन येर्नेनी र रविशंकर यममाञ्चिली हुन्।
एक्सन, क्राइम, र ड्रामा जनरामा आधारित यो फिल्म ३ घण्टा २१ मिनेट लामो छ।
अञ्जना ढकाल
प्रतिक्रिया दिनुहोस