झापा, चैत्र ३ - नेपाल कम्युनिस्ट पार्टी (नेकपा) का महासचिव नेत्रविक्रम चन्द ‘विप्लव’ झापाको सीमावर्ती ग्रामीण बस्तीमा पुगेका छन् ।
उनले स्थानीय जनतासँग अन्तरक्रिया गर्दै उनीहरूका समस्या सुन्नुका साथै समाधानका लागि पार्टीको प्रतिबद्धता दोहोर्याएका छन् ।
विशेष गरी सीमा अतिक्रमण, भूमि व्यवस्थापन, सुरक्षा, र विकासका मुद्दामा महासचिव विप्लवले गम्भीर चासो व्यक्त गरेका छन् । उनले सीमा अतिक्रमणविरुद्ध सशक्त पहल गर्नुपर्ने आवश्यकता औंल्याउँदै, यदि राज्यले सीमावर्ती क्षेत्रलाई बेवास्ता गरे कम्युनिस्ट आन्दोलनले अगुवाइ लिने चेतावनी दिएका हुन । साथै उनले शिक्षा, स्वास्थ्य, रोजगारी, र पूर्वाधार विकासजस्ता आधारभूत आवश्यकताहरू पूरा गर्न नेकपाले संघर्ष जारी राख्ने स्पष्ट पारे ।
महासचिव विप्लवको यो भ्रमण नेकपाको अग्रगामी आन्दोलनलाई थप बलियो बनाउने लक्ष्यसहित गरिएको बताइएको छ ।
यसैक्रममा, नेकपाका किरात-लिम्बुवान प्रदेश इन्चार्ज दिपेश सीको नेतृत्वमा भद्रपुर विमानस्थलमा महासचिव विप्लवलाई भव्य स्वागत गरिएको थियो ।
पार्टीका केन्द्रीय सदस्य अर्जुन सीले झापामा भइरहेको प्रतिक्रान्तिकारी षड्यन्त्रलाई रोक्दै क्रान्तिकारी प्रवृत्तिलाई नयाँ दिशा दिने महासचिवको यो पहल ऐतिहासिक बन्ने विश्वास व्यक्त गरे ।
राजनीतिक विश्लेषकहरूका अनुसार महासचिव विप्लवको झापा भ्रमणले न केवल झापाको राजनीति, तर समग्र देशकै राजनीतिक परिदृश्यमा प्रभाव पार्नेछ ।
अञ्जना ढकाल
-1579.jpeg)
प्रतिक्रिया दिनुहोस