विप्लव सी ले मधेस पुगेर गरे यौद्धा तथा सहिद परिवारलाई सम्मान

अञ्जना ढकाल

७ महिना अघि

पाठक संख्या १७०

सिरहा, चैत्र ११  – नेपाल कम्युनिस्ट पार्टीका महासचिव विप्लव सीले मधेस पुगेर यौद्धा तथा सहिद परिवारलाई सम्मान व्यक्त गरेका छन् ।

उनले सहिद अजबलाल यादवको स्मृतिमा विभिन्न काम गरेका हुन् । विप्लवले सहिद अजवलाल यादव स्मृति प्रतिष्ठानद्वारा आयोजित कार्यक्रमको उद्घाटन गरेका छन् । सोही दिन उनले १६ जना यौद्धा तथा सहिद परिवारलाई सम्मान तथा अभिनन्दन व्यक्त गरेका हुन्।

सिरहाबाट माइला दाई, थिरमाया तामाङ, हरिलाल यौन्जन र लिलादेवि तिवारी, धनुषाबाट विहारी राय, अमात, शोभित यादव, शिला यादव, अजबलाल यादवकी आमा रामपरिदेवि यादव र कारोदेवि यादव अभिनन्दित भएका छन् । त्यसैगरी महोत्तरीका भिष्म खड्का, सर्लाहीका प्रेमबहादुर राना मगरसहित १६ जनालाई अभिनन्दन गरिएको प्रतिष्ठानले जनाएको छ । उक्त कार्यक्रम विप्लव सीको प्रमुख आतिथ्यमा धनुषाधाम ३, को लक्ष्मी इङलिस बोर्डिङ स्कुलमा सम्पन्न भएको छ ।

विप्लवले अजवलाल स्मृति प्रतिष्ठानको कार्यलय उद्घाटन, अजवलाल स्मृतिमा निर्माण गरिएको शालिकमा माल्यार्पण, गेटको रङ लगाउने तथा सरसफाइ, प्रतिष्ठानद्वारा सन्चालित पुस्ताकालयको उद्घाटन, अजवलाल यादवको स्मृतिमा बाटो सरसफाइ लगायतका काम गरेका छन् ।