पाकिस्तानमा धेरै विद्यालयहरू शिक्षक अभावका कारण बन्द भएका छन् । बलुचिस्तान र सिन्ध जस्ता प्रान्तहरूमा हजारौं विद्यालयहरू यो संकटका कारण बन्द भएका छन्। बलुचिस्तानमा मात्र ३,५०० भन्दा बढी विद्यालयहरू शिक्षक अभावका कारण बन्द भएका हुन्।
सेप्टेम्बर २०२४ मा पाकिस्तानको बलुचिस्तानमा शिक्षा संकट थप गहिरिएको छ। शिक्षक अभावका कारण देशभर लगभग ३,६९४ विद्यालयहरू बन्द भएका छन्, र यी विद्यालयहरू पुन: सञ्चालन गर्न करिब १६,००० शिक्षकहरूको आवश्यकता छ। २०१९ देखि शिक्षक नियुक्ति नभएको र शिक्षकहरू अवकाश लिँदै गएपछि यो समस्या थप गम्भीर बनेको छ।
यसका साथै, बलुचिस्तानमा धेरै विद्यालयहरूमा आधारभूत पूर्वाधारको अभाव छ, जसमा सफा पिउने पानी, बिजुली, र उचित भवनको कमी रहेको छ। त्यसमाथि झन् २०२२ को बाढीले ५,५०० भन्दा बढी विद्यालयहरूमा क्षति पुर्याएको थियो, र तिनमध्ये धेरै विद्यालय अझै मर्मत गरिएको छैन। कमजोर पूर्वाधार र असुविधाजनक भवनहरूले पनि शिक्षामा अवरोध पुर्याएको छ।
बालबालिकाहरूमा यसले ठूलो असर पारेको छ, किनभने बलुचिस्तानमा मात्र १२ लाखभन्दा बढी विद्यार्थीहरू विद्यालय जान पाएका छैनन्। देशभर पढ्न न पाउने बालबालिकाहरु बढ्दै गएका छन्। देशभर करिब २५.३ मिलियन बालबालिका विद्यालय बाहिर छन्, जुन देशको कुल जनसंख्याको ३६ प्रतिशत हो। यहाँको सरकारी प्रयासहरू सीमित छन् । केही विद्यालयहरू सुधार गर्ने र नयाँ शिक्षकहरू भर्ना गर्ने प्रस्ताव भए पनि समस्या निकै जटिल भएको कारणले पुरा सफल हुन सकेको छैन।
क्वालिटी खबर
प्रतिक्रिया दिनुहोस