वीरगञ्ज, – राष्ट्रिय स्वतन्त्र पार्टी (रास्वपा) का समर्थकहरूले आज मंगलबार पर्सामा पूर्वगृहमन्त्री रवि लामिछानेको गिरफ्तारी विरुद्ध प्रदर्शन गरेका छन्।
लामिछानेको बयान पर्सा जिल्ला सरकारी वकिल कार्यालयमा जारी रहँदा समर्थकहरूले वीरगञ्जमा विरोध प्रदर्शन गरेका हुन्।
प्रदर्शनकारीहरूले "रवि लामिछानेलाई न्याय देऊ," "जनतालाई ढाँट्न बन्द गर," र "राजनीतिक प्रतिशोध रोक" जस्ता नारा लेखिएका प्लेकार्ड बोकेर गिरफ्तारीलाई राजनीतिक बदला भएको दाबी गरेका थिए।
लामिछानेलाई सानो पाइला सहकारी कोषको दुरुपयोग सम्बन्धी आरोपमा बयानका लागि सोमबार पर्सा लगिएको थियो।
पर्सा जिल्ला अदालतले सानो पाइला सहकारीमा आर्थिक अनियमितता गरेको आरोपमा लामिछाने सहित अन्य १४ जनालाई पक्राऊ गर्न पुस १९ गते पक्राउ पूर्जी जारी गरेको थियो।
Sangeeta Gurung
प्रतिक्रिया दिनुहोस