महोत्तरीमा १९ वर्षीया महिलाको विभत्स हत्या

क्वालिटी खबर

८ महिना अघि

पाठक संख्या ११५

जनकपुरधाम, माघ २० - महोत्तरीमा एक महिलाको विभत्स हत्या भएको छ। गौशाला नगरपालिका–८ निवासी अभिषेक यादवकी १९ वर्षीया श्रीमती खुश्बु यादवको धारिलो हतियार प्रहार गरी हत्या गरिएको हो।

खुश्बुको शव गौशाला नगरपालिका–५ स्थित विद्युत् प्राधिकरण कार्यालयबाट करिब ५०० मिटर उत्तरतर्फको खेतमा फेला परेको महोत्तरीका प्रहरी प्रवक्ता डीएसपी सन्तुलाल जैसवारले जानकारी दिएका छन्।

राति घरबाट निस्किएकी खुश्बु आज बिहान मृत अवस्थामा भेटिएकी हुन्। उनको शरीरमा धारिलो हतियार प्रहार गरेको देखिएको प्रहरीले जनाएको छ।

घटनाबारे थप अनुसन्धान जारी रहेको जिल्ला प्रहरी कार्यालय, महोत्तरीले जनाएको छ।