काठमाडौं, चैत्र १४ – प्रधानमन्त्री केपी शर्मा ओलीले शुक्रबार (चैत १५) काठमाडौंमा विभिन्न प्रदर्शनहरू हुने भए पनि त्यसलाई अनावश्यक रूपमा ठूलो विषय नबनाउन आग्रह गरेका छन्।
आठौं अन्तर्राष्ट्रिय महिला उद्यमी व्यापार मेलालाई सम्बोधन गर्दै प्रधानमन्त्री ओलीले विगतमा पनि दैनिक हजारौँ मानिस सहभागी हुने जुलुसहरू निस्किइरहेको बताउँदै भोलिको प्रदर्शनलाई लिएर त्रास फैलाउनु आवश्यक नरहेको उल्लेख गरे।
"१०–१५ हजारको जुलुस नेपालमा निस्किएको निस्किएकै छन्। तिललाई पहाड बनाइरहनु पर्दैन," उनले भने, "एउटा भृकुटीमण्डपमा जुलुस निस्किएर सभा हुन्छ, अर्को कोटेश्वरमा सभा हुन्छ। हुने त्यति नै हो।"
समाजवादी मोर्चामा संलग्न दलहरूले संघीय लोकतान्त्रिक गणतन्त्रको समर्थनमा प्रदर्शन गर्ने तयारी गरेका छन् भने राजावादी समूहले पनि काठमाडौंमा आन्दोलित हुने कार्यक्रम राखेका छन्। तर, प्रधानमन्त्री ओलीले यस्ता सभा र प्रदर्शनहरू नेपालमा सधैं भइरहने भन्दै अनावश्यक डर नमानेर विकासको काममा ध्यान दिन आग्रह गरेका छन्।
"हाम्रो ध्यान विकासमा हुनुपर्छ, यस्ता कुराबाट वास्ता नगरेर अघि बढ्नुपर्छ," उनले थपे।
अञ्जना ढकाल
-1579.jpeg)
प्रतिक्रिया दिनुहोस